2023 жылы наурыз айының 10-ы күні Семей қаласының №10 жалпы орта білім беретін мектебінде бірыңғай кәсіптік бағдар беру күні ұйымдастырылды. Оқушыларға мамандық таңдауда бағыт беру мақсатында ұйымдастырылған шараға колледжіміздің мамандары белсене қатысып, шеберлік сабақтарын жүргізді. 9-11 сыныптарда өткізілген «Менің болашақ мамандығым» атты тәрбие-сағаттарында колледжде оқытылатын мамандықтармен таныстырып, оқушылар мен ата-аналарға кеңестер берді.