2019 жылдың 31 қазаны мен 1 қарашасы аралығында «Құрылыс колледжі» КМҚК-да ШҚО техникалық және кәсіптік білім беру ұйымдары арасында «Тоғызқұмалақ» ұлттық ойыны бойынша облыстық жарыс өтті. Жарыс мақсаты жастар арасында қазақтың ұлттық ойындарын дәріптеп, салауатты өмір салтын насихаттау және тоғызқұмалақтан үздік ойыншыларды анықтау болды. Жарыста үздік ойын көрсетіп жеңіске жеткен студенттер мен білім ұйымдары жүлделі орындармен марапатталып, бағалы сыйлықтар иеленді. Белсенді қатысқан ойыншылар да жұбаныш сыйлықтарымен және алғыс хаттармен марапатталды. Ал жүлделі бірінші орын алған қыздар және ұлдар командалары кубок иеленді.
