2024 жылы қыркүйек айының 10-15 аралығында Францияның Лион қаласында 47-ші Дүниежүзілік кәсіби шеберлік чемпионаты – WorldSkills Lyon 2024 өтеді. 10 қыркүйек күні халықаралық чемпионаттың ашылу салтанаты өтті. Колледжіміздің студенті Құмарбеков Нұралы Ренатұлы «Кірпіш қалау» құзыреттілігі бойынша халықаралық сайысқа қатысады.
Біздің өңіріміздің қатысушы командасы чемпионатқа сақадай сайланып, колледжіміздің директоры Тулеуов Каныш Максутовичтің басшылығымен дүниежүзінің кіл мықтылары жиналған дүбірлі додаға қызу дайындықпен аттанды.
Өңіріміздің білікті сарапшылары да халықаралық аренада төрешілік етеді. Облыстың 5 педагогі әлемнің түкпір-түкпірінен келген қатысушылардың шеберлігін бағалайтын болады.
2023 жылы Абай облысының командасы Қазақстан бойынша WorldSkills ұлттық чемпионатында жалпыкомандалық есепте бірінші орынды иеленген болатын. Биыл команда әлемдік деңгейде де осы жетістігін қайталауға бел буып отыр.
Барлық қатысушыларға сәттілік тілейміз!
