2024 жылы 17 қазанда Геодезия, картография және құрылыс жоғары колледжінің кітапханасында «Оқуға құштар колледж» жобасы аясында 105 ТГ топ жетекшісі Абдрахманова М.Б. студенттерімен бірлесіп, «Біз Абайды білеміз, оқимыз, бағалаймыз» тақырыбында әдеби аукцион өткізілді. Абай шығармашылығына арналған «Абай ғұлама ақын» атты кітап көрмесі ұйымдастырылып, кітапхана меңгерушісі Касымова Сания таныстырды.
Аукционның мақсаты: білім алушыларда ұлы ақынның тұлғасы мен шығармашылығына қызығушылық, оның әдебиеттегі рөлімен орнын түсінуді және өзіндік көзқарасты қалыптастыру.
Студенттер Нұрғазин Сұңғат, Күлембаев Ербол, Абылханов Талап, Ақзам Арнұр, Аманкелдіұлы Ырғызжан, Ахметқанов Мейрамбек, Баубек Батыржан, Дюсембай Ақжол, Низан Арыстанбек, Рахматуллаев Мейрамбек қазақтың дара, дана ақыны, жазушы, ағартушы, аудармашы және композитор Абай Құнанбаевтың өмірі мен шығармашылығы туралы мәлімет беріп, қойылған сұрақтарға белсенді жауап берді.