Техник-геодезист біліктілігі бойынша 301 топтың студенттері инженерлік-геодезиялық жұмыстар бойынша камералдық есептеу практикасынан өтеді, онда олар геодезиялық ақпаратты дайындаумен және өңдеумен айналысады, онсыз әртүрлі инженерлік құрылыстарды жобалау, салу және пайдалану мүмкін емес.
2025 жылдың 28 қаңтарында арнайы пәндер оқытушысы Зейтенғазинова Мақпал Болатқанқызы «Картография» пәндік-циклдік комиссиясының апталығы аясында 2 курс білім алушылары арасында «Дәлме-дәл» байқауын өткізді. Байқаудың мақсаты – студенттердің алған білімдерін дұрыс қолдану қабілеттерін жетілдіру, кәсіби дағдыларын шыңдау. Байқауда студенттер Картографиялық сызу пәні бойынша білім, білік, дағдыларын көрсетті.