Қазақстан Республикасы Президентінің 2013 жылғы қараша айындағы жарлығымен қыркүйектің соңғы жексенбісінде жұмысшы кәсіптерін құрметтеу және еңбектің маңыздылығын ерте жастан сезіну, дәстүрлерін жаңғырту мақсатында «Еңбек күні» мерекесі атап өтіледі.
24.09.2024 жылы колледждің жас мамандары арасында «Өз ісінің шебері» байқауы өтті. Байқауға «Құрғақ құрылыс және сылақ жұмыстары», «Сырлау және сәндік жұмыстар», «Дәнекерлеу технологиялары» және «Плиткамен қаптау» құзыреттіліктері бойынша 21 ПГС, 22 ПГС, 23 ПГС топтарының білім алушылары қатысты. Байқау өткен жұмыс орындарында бәсекелестік рухы мен жұмысқа деген құштарлық сезімі орнады. Барлық қатысушылардың жеңіске ұмтылып, барынша тырысқандығы байқалды.
Байқауға қатысушылардың орындаған тапсырмаларын құрамына колледж директоры К.М. Тулеуов, директордың ОӨІ жөніндегі орынбасары А.С. Нургожанова және тәуелсіз сарапшылар (колледждің әлеуметтік әріптестері) кіретін сараптамалық қазылар алқасы бағалады.
