«Геодезия, картография және құрылыс жоғары колледжі» КМҚК кітапханасында «16 желтоқсан – Тәуелсіздік күні» мерекесіне орай, «Оқуға құштар колледж» тұжырымдамасын жүзеге асыру мақсатында С.Т. Касымованың ұйымдастыруымен «Отан тарихы әдебиеттерде» атты оқырман конференциясы өтті. Аталған конференцияға 103 ТГ тобының студенттері мен жетекшісі Ж.Ж. Тұрғазы қатысты. Конференция барысында Жеңісхан Есболат пен Баисейітов Мерхат Қазақстанның тәуелсіздікке жету жолындағы ерлік күресі мен қазіргі жетістіктері жазылған «Қазақстанның тарихы», «Қазіргі заман тарихы» әдеби кітаптарына тоқталып, оқырмандарға қысқаша мазмұнын айтып берді. Серікқанұлы Орал, Кутанов Ерсін, Дауренбеков Ұлан, Төлеубеков Ақтілек Б.Момышұлының «Ұшқан ұя», Ж. Аймауытовтың «Ақбілек» романдарымен таныстырып, белсенділік танытты.