2024 жылғы 12 желтоқсанда «Әлеуметтік-гуманитарлық пәндер» ПЦК апталығының жоспары бойынша тарих пәнінің оқытушысы А.Ш. Дукембекова «Тәуелсіздік – елімнің ерлік жолы» тақырыбында ашық сынып сағатын өткізді.
Іс-шара еліміздің тәуелсіздігін дәріптеп, 1986 жылғы желтоқсанда орын алған тарихи оқиғалардың маңызын атап өту мақсатында өткізілді. Желтоқсан оқиғасының қатысушылары Оразғалиев Арқат Дүйсенбайұлы, Орақбаев Бақыт Қалиназарұлы, Әубәкірова Сұлушаш Жанібекқызы іс-шараның құрметті қонағы ретінде шақырылды. Қонақтар 16-18 желтоқсанда алаңда болған оқиғалар туралы айтып, естеліктерімен бөлісіп, қызықты сәттер туралы айтып, өткенге оралды.
Колледж студенттерінен құралған «Шаңырақ» театры «Тәуелсіздік таңы» қойылымын ұсынды. 44 ПГС тобының студенті Абдульдинов Аянның орындауындағы «Желтоқсан алаңы» өлеңі көрермендердің жүрегіне әсер етті. Қазбеков Төрежан «Алаш алаңы» әнін тамаша орындады.
Іс-шара соңында студенттер қонақтарға өздерін толғандырған сұрақтарын қойып, жүрекжарды тілектерін білдірді.