Геодезия, картография және құрылыс жоғары колледжінің ең үздік студенттері мен өндірістік оқыту шеберлері 2024 жылғы IX Республикалық «WorldSkills Kazakhstan» кәсіби шеберлік чемпионатында өздерінің дағдылары мен шеберліктерін көрсетеді. Аймақтық чемпионаттың жеңімпаздары құрылыс және инженерия саласындағы ең күрделі құзыреттер бойынша Абай облысының намысын қорғайтын болады. Колледж атынан үлкен қолдау көрсетіп отырған колледж директоры Каныш Максутович Тулеуов чемпионатқа қатысушылар мен сарапшылар үшін мотивациялық кездесу ұйымдастырып, колледж командасының үздік және күшті дағдыларын толық көрсетіп, лайықты нәтижелерге жететініне сенім білдірді.
