Геодезия, картография және құрылыс жоғары колледжінде Абай облысы техникалық және кәсіптік білім беру ұйымдарының кітапханашылары арасында «Заманауи кітапхана қорын қалыптастыру және сақтау: мәселелері мен шешімдері» атты облыстық семинар-практикумы өтті. Семинар-практикумды Геодезия, картография және құрылыс жоғары колледжінің директоры К.М. Тулеуов және Облыстық инновациялық-әдістемелік орталығының әдіскері Э.Н. Нурашева алғы сөзбен ашты. Семинар барысында спикерлер: Мәскеу геодезия және картография колледжінің директоры Зверева Татьяна Геннадьевна – «Халықаралық ынтымақтастық арқылы колледждің кітапхана қорын дамыту» туралы айтты.
Сонымен қатар Семей қаласының Шәкәрім атындағы көпбейінді №5 гимназиясының кітапханашысы Д.Н. Сакаева, Облыстық Абай атындағы әмбебап кітапханасы директорының кітапхана ісі жөніндегі орынбасары Г.М. Аязбаева, Геодезия, картография және құрылыс жоғары колледжінің арнайы пәндер оқытушысы А.О. Садвакасова, кітапхана меңгерушісі С.Т. Касымова, кітапханашы Э.С. Ахметова, Үржар колледжінің кітапханашысы А.Н. Кашимбаева өздерінің іс-тәжірибелерімен бөлісті. Семинар соңында қатысушылар сертификаттар және алғыс хаттармен марапатталып, концерттік бағдарламамен жалғасты.