«Картография» ПЦК-ның апталығы студенттердің кәсіби білімдері мен дағдыларын дамытуға, пәндерді тереңірек меңгеруге, студенттер арасында білім және тәжірибе алмасуға ықпал етуге, шығармашылық, аналитикалық ойлау, командалық жұмыс жасау қабілеттерін қалыптастыруға, болашақ мамандықтарына деген жауапкершілікті сезінуге мүмкіндік берген іс-шараларды қамтыды. Апталық барысында физикалық география пәнінен «Геопрофи», картографиялық сызу пәнінен «Дәлме-дәл» байқаулары, сондай-ақ «Мамандығым – мақтанышым» тақырыбында буклет жасау байқауы, «Картография толқынында» шығармашылық байқауы өткізілсе, геодезия пәнінен колледжішілік олимпиада өткізілді. Сонымен қатар геодезия пәнінен республикалық ашық оқу сабағы беріліп, республикалық деңгейде олимпиада өткізілді.
Апталық аясындағы іс-шаралар жоғары әдістемелік деңгейде өткізіліп, студенттердің ақыл-ой, шығармашылық, қарым-қатынас, кәсіби қабілеттерін анықтауға, шыңдауға ықпал етті.