2025 жылғы 5 ақпанда жалпы білім беретін пәндер апталығының аясында дене тәрбиесі пәнінің оқытушысы Д.О. Сембеков «Волейбол: допты жоғарыдан және төменнен қабылдау» тақырыбында 14 ТГ тобымен колледжішілік ашық оқу сабағын өткізді.
Сабақтың мақсаты: студенттерді волейболдың белсенді ойын элементтеріне тарту арқылы командалық жұмыс дағдыларын қалыптастыру, дене шынықтыруды дамыту және командадағы серіктестікті нығайту. Ол «Біртұтас тәрбие» бағдарламасының құндылығын – бірлік пен ынтымақтастықты (басқа адамдармен тиімді қарым-қатынас жасау, өзара көмек пен қолдау негізінде мақсаттарға жету қабілетін дамыту) іске асыруға ықпал етті.
Ашық оқу сабағы жаңа материалды түсіндіру, волейболдың негізгі қағидаларын баяндау, допты қабылдаудың тнехникасын көрсету, допты қабылдау әдістерін практикада қолдануға негізделіп, жұптық, топтық жұмыс түрінде ұйымдастырылған. Студенттердің физикалық дайындығын, ептілігін және үйлестіру қабілеттерін дамыту, волейбол ойынына қызықтыру және оны белсенді түрде ойнауға ынталандыруға бағытталған сабақ жоғары әдістемелік деңгейде өтті.