2025 жылғы 27 ақпанда бас ғимаратта, «Геодезия және картография» мамандығы бойынша білім алып жатқан 9 сынып негізіндегі 1 курс студенттеріне арналған «Мамандыққа шолу» іс-шарасы өтті. Болашақ геодезистер өз мамандықтары туралы толығырақ білуге, оның ерекшеліктеріне терең үңіліп, арнайы пәндер бойынша болашақ оқытушыларымен кездесуге тамаша мүмкіндік алды. «Қолданбалы геодезия» пәндік-циклдік комиссиясының оқытушылары геодезия мен картографияда қолданылатын заманауи технологиялар туралы айтып, мамандықтың өзекті бағыттарын талқылады. Бұл іс-шара студенттердің таңдаған мамандығын тереңірек түсінуіне, кәсіби көзқарасын кеңейтуіне және геодезия мен картография саласындағы табысты болашаққа қадам жасауына көмектесті.