Еңбек мамандықтары жылы аясында 2025 жылдың 27 ақпанынан бастап Алматы қаласында WorldSkills стандарттарына сәйкес «Сантехника және жылыту» мамандығы бойынша халықаралық кәсіби конкурс басталады. Бұл конкурс «Хаус-мастер» біліктілігі бойынша педагогтар мен өндірістік оқыту шеберлері арасында өтеді. Конкурс Орталық Азиядағы еңбек мамандықтарын дамытуға және сантехникалық сала мамандарының біліктілігін арттыруға маңызды қадам болады.
Конкурсты ұйымдастырушылар – Алматы құрылыс-техникалық колледжі мен GROHE компаниясы. Конкурсқа Қазақстан, Қырғызстан, Тәжікстан және Әзербайжан елдерінің өкілдері қатысады.
Өндірістік оқыту шебері Абдрахманов Қуандық Хасенұлына сәттілік пен жеңіс тілейміз! Оның кәсіби біліктілігі мен ісіне деген адалдығы бізге лайықты марапаттар әкелсін, ал осы конкурс барысында алған тәжірибесі оның кәсіби өсуі мен жаңа жетістіктеріне негіз болсын!
