2025 жылғы 29 қаңтарда арнайы пәндер оқытушысы А.О. Садвакасова картография апталығы аясында 108 ТК тобында республикалық ашық оқу сабағын өткізді.
Оқыту нәтижесі: ОН 2.1. Топографиялық түсірістерді орындау үшін пландық және биіктік негіздемесін құру. Сабақтың тақырыбы: «Координат өсімшелерін анықтау және теңестіру. Жазықтықтағы тура және кері геодезиялық есептерді қолдану».
Сабаққа О. Көшеков атындағы Атырау аграрлық-техникалық колледжі, Жаңатас көпсалалы колледжі (Жамбыл қаласы), «Қазіргі заман гуманитарлық-техникалық колледжі» мекемесі (Тараз қаласы), Абай облысы білім басқармасының Геологиялық барлау колледжі оқытушылары қатысты.
Сабақта сын тұрғысынан ойлау, деңгейлік саралау, ақпараттық-коммуникациялық, жасанды интеллект технологиялары, коучинг әдістері қолданылды. Жұмыстың жеке және топтық формалары ұйымдастырылды. Студенттер тапсырмаларды орындауға белсенді қатысып, тақырып бойынша өз ойларын еркін білдірді. Жазғы өндірістік тәжірибемен интеграция болды. Сабақ жоғары әдістемелік деңгейде өтті.