2020 жылдың 12 ақпан күні «Өзін-өзі тану: махаббат пен шығармашылық педагогикасы» атты дәстүрлі онкүндік іс-шарасы жоспары негізінде «Құрылыс колледжі» КМҚК-да 2-курс студенттері арасында «Сүйіспеншілік – өмір негізі» атты жалпы республикалық ашық сабақ өтті. Ашық сабақты «өзін-өзі тану» пәнінің оқытушысы Оразымбетова Р.Д. өткізді. Ашық сабақ жоғары деңгейде өтіп, қатысқан оқытушылар тәжірибе алмасты.
Ақын, ойшыл Абай Құнанбайұлының 175 жылдығына орай кітапханада «Абай дана, Абай дара» атты кітап көрмесі өтуде.
2020 жылдың 8 ақпанында «Құрылыс колледжі» КМҚК қызметкерлері қысқы спорт түрлерінен Қазақстан Республикасы Тұңғыш Президентінің – Елбасының тестілерін өткізу мақсатында, Президенттік тест тапсырды.
2020 жылғы қаңтар айының 27-31 аралығында «Құрылыс колледжі» КМҚК оқытушысы Азимбаева А.К. аймақтардағы мектептер үшін ұйымдастырылған «Старт Профи – Shygys» атты стенд-мобқа белсене қатысып Зайсан, Көкпекті, Ақжар, Күршім, Большенарым ауылдарында болып, кәсіптік бағыт беру жұмысын жүргізді. Барлығы 1630 оқушы қамтылды. Болашақ талапкерлер дұрыс таңдау жасайтындығына сенеміз.
«Құрылыс колледжі» КМҚК студенттері жол жүру ережесіне байланысты «Жол тәртібін білейік, аман-есен жүрейік!» атты акциясын ұйымдастырып, мектеп оқушыларына жол қауіпсіздігі жазылған жаднамалар таратты.