ІС-ШАРАЛАР

2019 жылғы 29 сәуір күні «Серпін-2050» бағдарламасы аясында «Құрылыс колледжі» КМҚК «Бос орындар жәрмеңкесі» өткізілді. Шығыс Қазақстан облыстық Білім Басқармасының ұйымдастыруымен өткен жәрмеңкеге жаздың маусым айында колледжді тәмамдайтын биылғы жылдың түлектері қатысты. Жәрмеңкенің ашылу салтанатын Семей қаласының әкімінің орынбасары Садырбаев Айдар Серікқазыұлы бастаса, қорытынды сөзді ШҚО Білім Басқармасының бас маманы Ильясова Гульмира Бейсембаевна сөйледі. Жәрмеңке…

2019 жылдың 25 сәуірінде Семей қаласының «Құрылыс колледжі» КМҚК сырттай оқу бөлімі студенттері «Ғимараттар мен құрылымдарды салу және пайдалану» мамандығы, «техник-құрылысшы» біліктілігі және «Автомобиль жолдары мен аэродромдар құрылысы» мамандығы, «техник-құрылысшы» біліктілігі бойынша дипломдық жобаларын қорғады. Семей қаласының құрылыс кәсіпорындары өкілдерінің қатысуымен өткен қорытынды мемлекеттік аттестаттау сәтті өтті деп айтуға болады.

2019 жылғы 25 сәуір күні Ж.М. Қалиасқарованың жетекшілігімен 31 ПГС тобында Рухани жаңғыру – «Тәрбие және Білім» бағдарламасы негізінде «Tarіhi-mádeni eskertkishter tarihtan syr shertedi» тақырыбында ашық тәрбие сағаты өтті. Сәулет ескеркіштері арқылы студенттерді ұлтжандыққа тәрбиелеу және мамандыққа қызығушылықтарын арттыру мақсатында өтілген тәрбие сағаты өз мақсатын жетті деп бағаланды.

2019 жылғы 24 сәуір күні Семей қаласының мәдениет және тілдерді дамыту бөлімінің ұйымдастыруымен «Абай атындағы қалалық конкурс» өтті. Конкурсқа Ж.М. Қалиасқарованың жетекшілігімен колледж студенті Ыбыраева Мөлдір қатысып, үздіктердің қатырынан табылып, ынталандыру алғыс хаты және сыйлығымен марапатталды. Сондай-ақ Бозаева Ақмарал Төкенқызының жетекшілігімен Әбиева Ақнұр да қатысып, алғыс хатпен марапатталды.

Қалалық №2 кітапхана ұжымы Жастар жылы аясында ұйымдастырған «Болашақ жастардың қолында» атты ашық кітап көрмесіне «Құрылыс колледжі» КМҚК студенттері қатысып қайтты. Отырыста «Жас Отан» жастар қанатының ШҚО, Семей қаласы бөлімшесінің жетекшісі Айтмұқаш Алмас Виленұлы жастармен пікір алмасты. Студенттер өздерін алаңдататын сұрақтарын қойып,  ойларын ортаға салды.