2019 жылғы 14 ақпан күні физика пәнінің оқытушысы Д.Е. Әубәкірованың «Электр заряды. Электр зарядының сақталу заңы. Кулон заңы» тақырыбындағы С-11 тобында ашық сабағы өтті. Cабақ барысында оқытушы жаңартылған оқу бағдарламасына сай түрлі әдіс-тәсілдерді және оқыту технологияларын тиімді қолдану арқылы сабақты жоғары деңгейде өткізді.
2019 жылғы 13 ақпан күні жалпы білім беретін пәндер бірлестігінің ұйымдастыруымен колледжіміздің спорт залында «Білімді мыңды жығар, білекті бірді жығар» спорттық-танымдық сайысы өтті. Сайысқа С-21, С-22, М-21 топтары қатысып, салауатты өмір салтын ұстанумен қатар, білімдерімен де сыналды. Қорытындысында М-21 тобы алға шығып, І орынды иеленсе, С-22 тобы ІІ орын, С-21 тобы ІІІ орынды иеленді.
2019 жылғы 13 ақпан күні сызу пәнінің оқытушысы Шүкіманова Арай Берікқызының ұйымдастыруымен «Қызық екен» тақырыбында зияткерлік сайысы ұйымдастырылды. Сайысқа 21 ПГС және 22 ПГС топ студенттері қатысып, қызығушылық танытып, сайыс өте жоғары дәрежеде өтті.
2019 жылғы 12 ақпан күні жалпы білім беретін пән бірлестігінің ұйымдастыруымен «Не? Қайда? Қашан?» тақырыбында зияткерлік ойыны ұйымдастырылды. Ойынға І курс студенттері қатысып, қызығушылық танытты. Кәсіптік бағыт беру мақсатында кеш қонағы ретінде Семей қаласының №49 мектептің 9 сынып оқушылары және информатика пәні мұғалімі Каршикенова Ақерке Бақытқызы шақырылды.
2019 жылғы 11 ақпан күні «Білімді жастар – болашақ бастауы» атты апталыққа ұйымдастырылған таңертеңгілік лездеме өтті. Лездемеде апталық жоспары таныстырылды. Жоспар бойынша викториналық сұрақтарға бастау берілді және «Генетиканың даму тарихы. Г. Мендель еңбектері» атты тақырыбында биология пәнінің оқытушысы Ж.А. Касенованың ашық сабағы өтті.